Hvar: Völvufell 15-17 (bleik hurð)

Hvenær: Sunnudaginn 12. maí kl. 16:00-20:00

*English below*

Sunnudaginn 12. maí verða samtökin Læti! / Stelpur rokka! með opið hús, fullt af hljóðfærum! Við biðlum til vina okkar sem eiga hljóðfæri sem eru að safna ryki um að koma með þau og gefa þeim nýtt líf hjá okkur. Við verðum á fullu að gera upp og endurnýja hljóðfærin okkar og tækjabúnaðinn þetta eftirmiðdegi og þiggjum hljóðfæragjafir með kærum þökkum. Við munum einnig selja eitthvað af þeim búnaði sem við eigum og getum ekki komið í not. 

Allur ágóði sölunnar mun fara til systursamtaka okkar í Tógó, Vestur-Afríku. Og hver veit nema hljóðfærin sjálf endi í Tógó?!

Einnig þiggjum við smálega hluti sem ómissandi eru í hvers kyns rokkstarfsemi; trommukjuða, gítarneglur, jack snúrur, ónotaða gítarstrengi og svo framvegis. Þetta spænist hratt upp hjá okkur með allar okkar litlu rokkhendur, hraðar en við höfum tök á að endurnýja! Hvað stærri hlutina varðar þá er mest þörf á hljómborðum, nótnastatífum og míkrafónum, en við þiggjum nánast allt. 

Hljóðfæradagurinn er opinn öllum! Við hvetjum alla vini okkar sem vettlingi geta valdið, af öllum kynjum, til að kíkja við og kynnast okkur, hljóðfærunum okkar, og starfinu nánar. Börn velkomin í fylgd með fullorðnum! 

Þið megið öll koma að prófa, snerta, kætast, hjálpa, hlæja, spila, kaupa og gefa.

Heitt verður á könnunni og djús og kex fyrir krakkana. 

Nánari upplýsingar veita:

Esther, framkvæmdastýra og trommuhirðir (info@stelpurrokka.is / s. 8654666)

Ólöf, Völvufellsstýra og sér um öll önnur hljóðfæri og búnað (olof@stelpurrokka.is)