Á veturna bjóðum við upp á hljómsveitatíma fyrir börn 10 ára og eldri sem og fullorðna. Við kennum á rafmagnsgítar, bassa, trommur, söng og hljómborð og hvetjum þátttakendur einnig til að blanda öðrum hljóðfærum í tónsmíðar sínar.
Ekki er nauðsynlegt að hafa reynslu í nokkurs konar spilamennsku en við mælum með að taka einkatíma meðfram hljómsveitatímum ef þátttakandinn hefur aldrei prófað hljóðfærið áður. Það væri kostur en alls ekkert skilyrði.
Hver hljómsveit fær leiðbeinanda sem aðstoðar meðlimina og heldur utan um hópinn. Þátttakendur geta búist við því að kynnast hinum meðlimum hljómsveitarinnar vel, læra á hljóðfærið sitt, læra að semja lag og að lokum spila fyrir framan vini og vandamenn á lokatónleikum.
Við reynum eftir bestu getu að lána nemendum hljóðfæri sem ekki eiga sín eigin.
Tímabilið eru 12 vikur og eru tímarnir 10 talsins.
Kennslan fer fram í tónlistarmiðstöð okkar að Völvufelli 17.
Við tökum við frístundakorti.
Frí og niðurgreidd pláss eru í boði.
Lærðu á hljóðfæri
Hér færðu hlutverk! Þú velur hljóðfæri og sérð um að spila eða syngja með hljómsveitinni þinni.
Lærðu að semja lag
Hljómsveitin semur lagið saman. Leiðbeinandinn er innan handar ef þarf, en frumsköpunin er þó alfarið í höndum hljómsveitarmeðlima!
Lærðu að koma fram á tónleikum
Í lok misseris eru tónleikar þar sem nemendur koma fram og sýna vinum og fjölskyldu afraksturinn.
Umsagnir
Ragnheiður Ösp, úr hljómsveitinni Þrjár fiðlur og eitt trompett frá vorönn 2020
Rokkrúllettan er alveg frábær. Ég beið alla vikuna eftir æfingu og naut þess að spila með frábærum einstaklingum.
Esther Þorvaldsdóttir, úr hljómveitinni Jæja Valgerður frá haustönn 2020.
Aldrei hefði ég getað trúað því hvernig þetta námskeið breytti lífi mínu til hins betra. Hljómsveitaæfingar eru langbesti partur vikunnar! Við erum enn að rokka saman einu sinni í viku, fjórum árum síðar.
S. Andrea Ásgeirsdóttir, hljómsveitaþátttakandi!
Ég gef hljómsveitatímum mín bestu meðmæli. Það er svo mikil valdefling að mæta á æfingu og jafnvel læra á nýtt hljóðfæri sem ég hef aldrei spilað á áður og svo bara láta vaða! Fullkomnunaráráttann fær að fjúka út um gluggann og það skemmir ekki fyrir hvað þetta er rosalega skemmtilegt. Nú er ég búin að prófa að spila á öll hljóðfærin í hljómsveitinni!
